Жаңалықтар
Қола жүлдегеріміз
- Толығырақ
- Жарияланды 05.03.2022 06:21
Жастар жылының аясында дарынды балаларды қолдау үшін «Ел үміті» бастамасын ұсынған еді.
«Елбасы медалі» жобасының мақсаты жастардың интеллектуалды және шығармашылық дамуына ықпал ету, ұлттық мәдениет пен дәстүрлерді тану және мұқтаж жандарға көмек көрсету жолында елдің белсенді жастарының басын біріктіру, қолдау болып табылады.
Баянауыл ауданы бойынша Ш.Айманов атындағы жалпы орта білім беру мектеп-интернатының 9-сынып оқушысы Ералы Серік қола медальмен марапатталды. Марапат құтты болсын!
«Ұлт ұстазы – Ахмет Байтұрсынұлы» тақырыбында семинар өтті
- Толығырақ
- Жарияланды 23.02.2022 08:46
2022 жылғы 21 ақпан күні Мәшһүр Жүсіп Көпейұлы атындағы жалпы орта білім беру мектебінде «Ұлт ұстазы – Ахмет Байтұрсынұлы» тақырыбында пән мұғалімдерінің аймақтық семинары өтті.
Өзара тәжірибе алмаса отырып, пәндер арасында кездесетін мәселелерді бірлесе шешу жолында ауданымыздағы аймақтық мектептерден 26 пәндерден сабақ беретін мұғалімдер семинарға қатысты.
9-11 сынып оқушылар арасында «Көп қырлы ғалым» конференцияны (ақынның көсемсөз жанрынан жазылған мақалалары бойынша) қазақ тілі мен әдебиеті пәнінің мұғалімі Бақтыгүл Жақсыбайқызы Жасыбаева мен тарих пәнінің мұғалімі Келбет Бұқарбекқызы Жолдасбекова ұйымдастырды.
«Аққу, шортан, һәм шаян» мысал өлеңі бойынша танымдық сабақты бастауыш сынып мұғалімдері Еркежан Шалғанбай мен Ермек Қарашорқызы Қарашорова өткізді.
«Даналар кеңесі» зияткерлік ойынды орыс тілі мен әдебиеті пәнінің мұғалімі Бекен Кәрімқызы Абылқасова өте жоғары деңгейде және қызықты өткізді.
«Бұлбұл мен есек» театрландырылған көріністі «Жасұлан» ұйымының оқушылары өткізді. Жетекшісі мектеп тәлімгері Айгүл Омарқасова. «Жетістікке жету» тақырыбында келген мұғалімдерге мектеп психологі Бақытгүл Нұриденқызы Нұриденова тренинг ұйымдастырды.
«Мектеп кітапханасы жұмысының жаңа әдіс-тәсілдері»тақырыбында мектеп кітапханашысы Үміт Қазтайқызы Ақмолдина шеберлік сағатын өткізді.
10-сынып оқушыларына «Негізгі ой қайда?» тақырыбында А.Байтұрсыновтың дана сөздеріне Әлкей Марғұлан атындағы жалпы орта білім беру мектебінің кітапханашысы Гүлдана Тұрсынбекқызы мен келген ұстаздарға «Оқушылардың функционалдық сауаттылығын дамытудағы жаңа әдістер» тақырыбында Зейтін Ақышев атындағы жалпы орта білім беру мектебінің кітапханашысы Жанар Қуантайқызы Бекмағанбетова, «Пирамида тарихы» тақырыбында білім беру бөлімінің әдіскері Мәншүк Тынысқызы Шумақова шеберлік сабақтар ұйымдастырып өткізді.
Білім беру бөлімінің әдістемелік кабинет басшысы Гүлнәзи Зейноллақызы Нұртаева мен білім беру бөлімінің әдіскерлері Гүлмира Қабдымүлікқызы Қошанова, Гүлжанар Қабдыкәкімқызы Кәрімова, Мәншүк Тынысқызы Шумақова қатысты.
Қорыта келгенде семинар өте жоғары деңгейде өтті. Ұстаздар өздеріне қажетті ақпараттарды семинардан алды.Семинар әлі де жалғасады.
Білім беру саласындағы өзара серіктестік пен ынтымақтастық жұмыстар барысы.
- Толығырақ
- Жарияланды 17.02.2022 06:47
Баянауыл ауданының білім беру бөлімі мен Павлодар облысындағы «Жас дарын» мамандандырылған мектебі, дарынды балаларға арналған Абай атындағы гимназиясы, дарынды балаларға арналған № 8 мектеп-лицейі арасындағы әріптестік және серіктестік қарым- қатынастарды дамыту, білім беру саласындағы инновациялық жобаларды жүзеге асырудағы ынтымақтастықты нығайтуға және одан әрі дамыту үшін өзара үш жақты Меморандум жасалды. Мақсаты: педагогика ғылымдарының жаңа жетістіктерін тәжірибеде қолдану.
Меморандумның және Қазақстан Республикасы Заңнаманың, қағидалардың, нормалардың шарттарына сәйкес ақпарат тарату мен білім беру саласындағы шеберлік пен шығармашылықты арттыруды, білім беру ұйымдары жүргізетін іс – шараларды қолдаудағы ынтымақтастықты нығайтуға, ілгерілетуге, білім беру саласындағы жобаны дамытуға үлес қосуға келісім жүргізілді. Үш жақ өзара бекітілген жылдық жоспарға сәйкес бірнеше жұмыстар атқарады.
Баянауыл ауданының білім беру бөлімі мен Павлодар облысындағы «Жас дарын» мамандандырылған мектебі, дарынды балаларға арналған Абай атындағы гимназиясы, дарынды балаларға арналған № 8 мектеп-лицейі арасындағы ақпараттық материалдар, өткізілген және ұйымдастырылған шаралар орталық сайттары мен әлеуметтік желілер арқылы насихатталады.
Қазіргі таңда «Жас дарын» мамандандырылған мектебі, дарынды балаларға арналған Абай атындағы гимназиясы, дарынды балаларға арналған № 8 мектеп-лицейінің ұжымдары 11-сынып оқушыларын қорытынды аттестацияға дайындау, «Мың бала» ұлттық олимпиадасына дайындау, жас мамандармен, «Білім алушылардың білім оқу жетістіктеріне мониторинг» жұмыстары, әр түрлі тақырыптардағы семинарларды зум платформасы арқылы жүргізіп жатыр.
Республикалық «Зерда» конкурсының жеңімпазы.
- Толығырақ
- Жарияланды 12.02.2022 08:58
2022 жылғы 10 ақпан күні Щучинск қаласында 2-7 сынып оқушыларының зерттеу жобалары мен шығармашылық жұмыстарының XVII Республикалық «Зерде» конкурсы өтті.
Баянауыл ауданынан Мәшһүр Жүсіп Көпейұлы атындағы жалпы орта білім беру мектебінен 4-сынып оқушысы Жәнібек Марат робототехникадан Бас жүлдені жеңіп алды.
Жетекшісі физика, информатика, робототехника пәнінің мұғалімі Аскар Хамзаұлы Аюпов. Оқушылары облыстық, республикалық, халықаралық деңгейде ерекше жүлделерге ие болуда. Оқушымыздың жетістігі құтты болсын!
Мектепке дейінгі ұйымдарда тақырыптық алаң өтті.
- Толығырақ
- Жарияланды 10.02.2022 20:13
Баянауыл ауданының әдістемелік кабинетінің жылдық жұмыс жоспарына сәйкес мектеп жасына дейінгі балалармен ұйымдастырылған оқу қызметіне әдістемелік ұсынымдар беру мақсатында тәрбиешілер мен әдіскерлерге арналған аудандық тақырыптық алаң ұйымдастырылды.
Балалардың сапалы мектепке дайындалуына бағытталған инновациялық әдістер мен технологияларды енгізу, мектеп жасына дейінгі балалардың біліктері мен дағдыларының дамуын бақылау бойынша индикаторлар жүйесін енгізу бойынша тәжірибе алмасу мақсатында әдістемелік ұсынымдар көрсетілді.
Өз елінің азаматы мен патриотын және рухани-адамгершілік құндылықтарын қалыптастыру «Бақытты бала» жобаны іске асыру жоспары бойынша әдістемелік ұсыныстар берілді.
Хабарландыру
- Толығырақ
- Жарияланды 02.02.2022 10:38
Қазақстан Республикасы Білім және ғылым министрінің 2017 жылғы 27 шілдедегі № 355 бұйрығымен бекітілген «Білім беру ұйымдарында қамқоршылық кеңесінің жұмысын ұйымдастыру және оны сайлау тәртібінің үлгілік қағидаларына» сәйкес Баянауыл ауданының білім беру бөлімі өзіне қарасты білім мекемесінде "Баянауыл ауылының сәбилер бақшасы" КМҚК, "Майқайың кенті сәбилер бақшасы" КМҚК, "Туберкулез ауруына шалдығуы ықтимал мектеп жасына дейінгі балаларға арналған "Шағала" бала бақшасы" КММ, "Жаяу-Мұса атындағы Баянауыл балалар өнер мектебі" КМҚК, "Майқайың балалар өнер мектебі" КМҚК, "Балалар шығармашылық үйі" КМҚК қамқоршылық кеңестің құрылатындығы туралы хабарлайды, оның құрамы бойынша өтінімдер 2022 жылдың 15 ақпанына дейін қабылданады.
Мекенжай: 140300, Баянауыл ауылы Сәтбаев көшесі 27 үй, жұмыс уақыты дүйсенбі - жұма күндері 09.00- 18.30 аралығында. Байланыс телефон нөмірі 9-10-81.
