Аудандық педагогикалық идеялар фестивалі

   2019 жылғы 2 сәуір күні Ш.Айманов атындағы жалпы орта білім беру мектеп-интернатында тұңғыш рет «Асқар Әкелдіұлы Лекеров атындағы аудандық педагогикалық идеялар» фестивалі өтті. Педагогикалық идеялар фестивалінің мақсаты мұғалімдердің бойындағы табиғи талантты анықтау және мадақтау. Педагогикалық идеялар фестиваліне аудан бойынша бес бағыттағы секция жұмыстарына 135 мұғалім және Асқар Әкелдіұлымен қызметтес болған әріптестері мен жора-жолдастары қатысты.

   Фестиваль шымылдығын Ш.Айманов атындағы жалпы орта білім беру мектеп-интернатының қазақ тілі мен әдебиеті пәнінің мұғалімі Таңат Қуанұлы Ахатов «Ағаға»тақырыбындағы жыр арнауымен ашты. Білім бөлімнің басшысы Асылхан Манарбекұлы Мүбәрак пен құрметті қонағымыз Павлодар облысы Білім беру басқармасы басшысының орынбасары Жомарт Петрович Қарамбаев, Тамара Николаевна Иванова және Дайрова Айтжамал Қабиденқызы құттықтау сөз кезегімен жалғастырды. Халықаралық, Республикалық байқаулардың жеңімпаздары «Баян сұлу» үлгілі би ұжымының орындауындағы «Балауса» биі мен Тілек Магуловтың орындауындағы «Ұстазым» атты әні көрермендердің көңілінен шықты.

   Аудандық педагогикалық идеялар фестивалінің қорытындысы бойынша «Менің идеям» тақырыбындағы педагогикалық идея жобасы бірінші секция жұмысында I дәрежелі дипломмен №2 Баянауыл жалпы орта білім беру мектебінің ағылшын тілі пәнінің мұғалімі Әсел Маненова, II дәрежелі дипломмен №1 Майқайың жалпы орта білім беру мектебінің директоры Самал Мәжитова мен №2 Майқайың жалпы орта білім беру мектебінің физика пәнінің мұғалімі Елена Уахитова, III дәрежелі дипломмен Лекер жалпы негізгі білім беру мектебінің бастауыш сынып мұғалімі Гүлжан Мамырбекова, Жылбек Ағаділов атындағы жалпы орта білім беру мектебінің тарих пәнінің мұғалімі Нұрлыбек Құлқашев және №1 Майқайың жалпы орта білім беру мектебінің таих пәнінің мұғалімі Баян Шокина, Үшқұлын жалпы негізгі білім беру мектебінің география пәнінің мұғалімі Батырхан Әбусейітов «Озық идея» номинациясымен марапатталды.

   «Ақ қағаз,қалам сия келді бізге» тақырыбындағы екінші секция мүшәйра жұмысында I дәрежелі дипломмен №1 Майқайың жалпы орта білім беру мектебінің қазақ тілі мен әдебиеті пәнінің мұғалімі Жұлдыз Дәулетбекқызы , II дәрежелі дипломмен Қаражар жалпы негізгі білім беру мектебінің география пәнінің мұғалімі Төлеш Сембеков пен № 2 Баянауыл жалпы орта білім беру мектебінің қазақ тілі мен әдебиеті пәнінің мұғалімі Ерлан Әлсейітов, III дәрежелі дипломмен Б.Хайдаров атындағы жалпы орта білім беру мектебінің қазақ тілі мен әдебиеті пәнінің мұғалімі Гүлнәр Бекова мен Ш.Айманов атындағы жалпы орта білім беру мектеп-интернатының қазақ тілі мен әдебиеті пәнінің мұғалімі Ғалия Сәкенова марапатталды. Қ.Кемеңгеров атындағы жалпы орта білім беру мектебінің әлеуметтік педагогі Рауан Сапаров пен Үшқұлын жалпы негізгі білім беру мектебінің қазақ тілі мен әдебиеті пәнінің мұғалімі Сәулегүл Бораншы номинациямен марапатталды.

   «Ән көңілдің ажары»тақырыбындағы үшінші секция Шәмші Қалдаяқовтың бір әнін орындау жұмысында I дәрежелі дипломмен Жаяу Мұса атындағы балалар өнер мектебінің мұғалімі Тілек Магулов, II дәрежелі дипломмен №2 Баянауыл жалпы орта білім беру мектебінің тарих пәнінің мұғалімі Ақмарал Жылқыбекова мен Д.Рахметов атындағы жалпы орта білім беру мектебінің мұғалімі Әлпеш Рақымберді, III дәрежелі дипломмен Майқайың өнер мектебінің мұғалімі Әлем Әкімжанов пен С.Торайғыров атындағы жалпы орта білім беру мектебінің мұғалімдері Алмагүл Өмірзақова, Дархан Байшүкір, Шолпан Тоқажанова, Мәдина Фаридова, «Шағала» балабақшасының тәрбиешісі Әйгерім Әбілдінова мен №2 Майқайың жалпы орта білім беру мектебінің математика пәнінің мұғалімі Азамат Рысхожин және №1 Майқайың жалпы орта білім беру мектебінің мұғалімдері Гүлмайдан Сүлейменова мен Ақсұлу Омарова номинациямен марапатталды.

   «Қылқалам және қол өнер шеберлері» тақырыбындағы төртінші секцияда «Ұлы даланың жеті қыры», «Алтын ұя-мектебім», «Менің еңбек жолым» сурет салу жұмысында I дәрежелі дипломмен Ж.Аймауытов жалпы орта білім беру мектебінің директоры Қайыржан Қырықбесов, II дәрежелі дипломмен С.Торайғыров атындағы жалпы орта білім беру мектебінің технология пәнінің мұғалімі Абай Әйткеш пен Ж.Ағаділов атындағы жалпы орта білім беру мектебінің технология пәнінің мұғалімі Бағлан Сүлейменов, III дәрежелі дипломмен Қ.Кемеңгеров атындағы жалпы орта білім беру мектебінің сызу және бейнелеу пәнінің мұғалімі Есенкелді Бәкеев пен Ш.Айманов атындағы жалпы орта білім беру мектеп-интернатының көркем еңбек пәнінің мұғалімі Айша Ықылас, Лекер жалпы негізгі білім беру мектебінің технология пәнінің мұғалімі Әйгерім Сабданбекова номинациямен марапатталды. Мектеп мұғалімдері өздерімен бірге үй тапсырмасында қолдан жасалған бұйымдарын көрмеге әкеліп, қорғады. Баянауыл аудандық білім бөлімінің арнайы ынталандыру сыйлығына Ж.Аймауытов атындағы жалпы орта білім беру мектебінің директоры және технология пәнінің мұғалімі Қайыржан Қырықбесұлы Қырықбесов ие болды.

   «Ақындар айтысы» тақырыбындағы бесінші секцияда I дәрежелі дипломмен Ш.Айманов атындағы жалпы орта білім беру мектеп-интернатының қазақ тілі мен әдебиеті пәнінің мұғалімі Таңат Ахатов, II дәрежелі дипломмен Егіндібұлақ жалпы орта білім беру мектебінің мұғалімі Ерғанат Тұрғанбек, III дәрежелі дипломмен Жаяу Мұса атындағы балалар өнер мектебінің мұғалімі Жеңісбек Пәзіл, Ж.Аймауытов атындағы жалпы орта білім беру мектебінің денешынықтыру пәнінің мұғалімі Бақытжан Мұқашев номинациямен марапатталды.

   Баянауыл ауданының білім саласын дамытуға өзіндік ерекше үлес қосқан ардақты ұстаз, асыл әке, нар тұлға бейнесі әрбір ұстаздардың, қадірлі достардың, адал әріптестер мен қызметкерлердің жүрегінде қалары сөзсіз. Ұстаздарың әйгілі,

   Тұлпарларың бәйгілі болсын!-деп ой түйеміз.