Мектебіміздің түлегі, Ұлы Отан соғысының ардагері, қазақ әдебиетінің көрнекті өкілі, жазушы Қалмұқан Әлиұлы Исабаевқа арналған кабинет ашылды

    2020 жылғы 14 желтоқсан күні Баянауыл ауылындағы Шәкен Айманов атындағы жалпы орта білім беру мектеп-интернатында мектебіміздің түлегі, Ұлы Отан соғысының ардагері, қазақ әдебиетінің көрнекті өкілі, жазушы Қалмұқан Әлиұлы Исабай атындағы «Қазақ тілі мен әдебиеті» кабинеті ашылды.

   Кабинет қазіргі заман талабына сай жабдықталған. Жазушының өмір жолы, қоғамдық қызметіне байланысты қабырға стендтері, жазушы портреті кабинет төрінен орын алды. Жазушының қанатты, нақыл сөздері берілген. Арнайы ромб тәрізді сөреге жазушы шығармалары мен құнды кітаптары қойылды.

   Қалмұқан Әлиұлы Исабай атындағы «Қазақ тілі мен әдебиеті» кабинетінің ашылу салтанатына аудан әкімінің орынбасары Анар Балтабекқызы Баденова, білім бөлімінің басшысы Нұрлан Мұхамедиярұлы Сейітов және мектебіміздің ардагер ұстазы Ғалия Әубәкірқызы Әубәкірова, Қалмұқан Әлиұлы Исабайдың туысы, туған інісі Бабатай Әлиұлының қызы Гүлнәр Бабатайқызы қатысты.

   «Осындай құнды деректер жиналған кабинеттер оқушылардың шығармашылық, ақындық қабілеттері мен ғылыми жобалар жазуға үлкен септігін тигізеді,-дейді мектеп директоры Салтанат Сейітжанқызы Досмағамбетова.

   Мектеп ұжымы мен оқушылар атынан тәуелсіздік күнінен орай үлкен сый жасаған ұрпағына мың алғыс айтамыз.