«PISA,ОЖСБ-ға дайындық: қиын тапсырмаларды талдау» тақырыбындағы семинар

    2018 жылғы 03 наурыз Ш.Айманов атындағы жалпы орта білім беру мектеп-интернатында «PISA, ОЖСБ-ға дайындық: қиын тапсырмаларды талдау» тақырыбында семинар өтті.Семинарды Павлодар облысының білім беруді дамытудың инновациялық орталығының әдіскерлері мен №5 ЖОББМ-нің қазақ тілі мен әдебиеті пәнінің мұғалімі Г.С.Байбулова және А.К.Макеева, №40 ЖОББМ-нің математика пәнінің мұғалімі У.К.Алибекова, №25 ЖОББМ-нің ағылшын тілі пәнінің мұғалімі И.А.Бейсекеева, №37 ЖОБББМ-нің орыс тілі мен әдебиеті пәнінің мұғалімі М.Д.Сахимзадина, №19 ЖОББМ-нің физика пәнінің мұғалімі К.Н.Сунгатова мен информатика пәнінің мұғалімі М.М.Абдрахманова, №4 ЖОББМ-нің бастауыш сынып мұғалімі А.С.Шарипова өткізді. Семинарға төртінші, тоғызыншы, он бірінші сынып оқушыларын PISA, Оқу жетістіктерін сырттай бағалауға және бастауыш сынып, математика, тарих, қазақ және орыс, ағылшын тілі, информатика, биология, физика пәндерінен дайындап жатқан ауыл мектептерінің мұғалімдері шақырылды. Семинар тестердегі қиын тапсырмаларды талдауға және шығаруға арналды.

   Семинарға келген 210 мұғалімдер оқытатын пәндеріне сәйкес секциялар бойынша жұмыс жасады. Жұмыс тобы отырысының қорытындысы бойынша бірнеше ұсыныстар мен ұсынымдар берілді.