Жаңашылдық әлемі

Толығырақ

Жарияланды 31.05.2018 08:48

    2018 жылғы 28 мамыр күні Ш.Айманов атындағы жалпы орта білім беру мектеп-интернатында оқу жылының аяқталуына қарсы «Цифрлық Қазақстан» мемлекеттік бағдарламанының тиімділігін және қамтамасыз етілуін кеңейту мақсатында «IT SYNYPTAR» кабинеті ашылды. Жобаның мақсаты-балалар үшін заманауи IT- технологияларды білім беру кеңістігінде тиімді қолдану.

   «Мұнда балалар олимпиадаға, ғылыми жобаға дайындалу үшін, өздері ізденіп түрлі бағдарламалар жасауы, электроникамен айналысуы үшін қажетті құралдардың барлығы да бар. Жақында мектептің бір мұғалімі арнайы курстан өтіп, сертификат алатын болады. Содан кейін олар осы кабинетті сабаққа да пайдаланады. Оқушылар барынша жеке ізденіп, ғылыми жұмыстарға тартылады»-, дейді аудандық білім бөлімі басшысының міндетін атқарушы Асылхан Манарбекұлы Мүбәрак. IT кабинетте тек аудан орталығындағы мектеп оқушылары ғана емес, ауыл мектептерінің балалары цифрлық технологиямен керегінше танысып, пайдалана алатын болады.