Жаңалықтар
«Жыл тәлімгері - 2019» сайысы
- Толығырақ
- Жарияланды 11.01.2019 11:48
Баянауыл ауданы бойынша «Жас Ұлан», «Жас Қыран» балалар қозғалысын дамыту және аға тәлімгердің рөлін арттыруға, тәжірбие бөлісуге бағытталған "Жыл тәлімгері-2019" аудандық сайысы ұйымдастырылды. Сайыстың мақсаты: шығармашылықпен жұмыс істейтін аға тәлімгерлерді анықтау, оларды қолдау және ынталандыру.
Сайысқа жалпы орта білім беру мектептерінің 11 аға тәлімгері қатысты. Сайыс 3 бөлімнен тұрды. Бірінші "Өзін-өзі таныстыру" бөлімінде үміткерлер өзін-өзі таныстыруды көздейді. Екінші "Балалар ұжымымен жұмыс" бөлімі жұмыс тәжірибесінен тәлімгерлерге шебер сағат өткізуді көздейді. Міндет-балалар тобында эмоционалдық және іскерлік қарым-қатынасты құру, реттеу және қолдау, әлеуметтік маңызды міндеттерді шешу үшін топтың барлық мүшелерінің күш-жігерін біріктіру іскерлігін көрсету. Үшінші "Қоғамдық бірлестікті дамыту бағдарламасын қорғау" бөлімі қатысушы жұмыс істейтін қоғамдық бірлестікті дамыту бағдарламасын қорғауды көздейді.
Облыстық пән олимпиадасының жеңімпазы
- Толығырақ
- Жарияланды 09.01.2019 11:48
Павлодар қаласының № 16 лицей-мектебінде 4-5 қаңтар аралығында 15 пән бойынша жалпы орта білім беретін оқу орындарының 9-11-сынып оқушылары арасында 57-ші облыстық пән олимпиадасы өтті.
Облыстық пән олимпиадасына Павлодар, Екібастұз, Ақсу қалаларынан, 10 ауданнан және 13 облыстық мамандандырылған білім беру мектептерінен барлығы 26 команданың 680 оқушысы қатысты. Баянауыл ауданынан 25 оқушы бақ сынады.
Олимпиада қорытындысы бойынша Шөптікөл жалпы орта білім беру мектебінің 11-сынып оқушысы Бекзат Каменов тарих пәнінен III дәрежелі дипломмен марапатталды. Жетекшісі тарих пәнінің мұғалімі Жұлдыз Мырзағалиқызы Жанұзақова.
Білімнің биік шыңдарын бағындыра білген 16 оқушы 3 жоғары оқу орнының білім грантына ие болды. С.Торайғыров атындағы ПМУ университеті төрт, Павлодар мемлекеттік педагогикалық университеті сегіз және Инновациялық Еуразия университеті төрт білім гранттарын табыс етті.
Елбасының атынан «Жарқыра, Қазақстан! Жарқыра, туған жер!» атты жаңа жылдық шырша мерекесі өтті
- Толығырақ
- Жарияланды 24.12.2018 11:48
«Ертіс» қонақ үйінде 2018 жылғы 24 желтоқсан күні Қазақстан Республикасының Президенті атынан жаңа жылдық шырша мерекесі өтті. Мерекеге Баянауыл ауданынан 9-13 жас аралығындағы №2 жалпы орта білім беру мектебінің 3-сынып оқушысы Айдар Романов пен Лекер жалпы негізгі білім беру мектебінің 6-сынып оқушысы Қарақат Самарова қатысты. Олардың ішінде жетім балалар, ата-анасының қамқорлығынсыз қалған балалар, аз қамтылған және көп балалы отбасы балалары, оқуда, спортта, шығармашылық пен қоғамдық жұмыстарда жетістікке жеткен шәкірттер де бар.
Қазақстан Республикасының Президенті Нұрсұлтан Әбішұлының құттықтауын тыңдады. Ұлт көшбасшысы шәкірттердің оқуына жетістік тілеп, елімізге абыройлы қызмет етер азамат боп жетілу қажеттігін айтты. Облыс әкімі Болат Жұмабекұлы оқушыларға Елбасы атынан ноутбук пен «Назарбаевтай болғым келеді» атты кітабын сыйға табыстады.
Аймақтық семинар өтті
- Толығырақ
- Жарияланды 22.12.2018 10:48
Егіндібұлақ жалпы орта білім беру мектебінде «Жаңартылған білім мазмұны-заман талабы» тақырыбында аймақтық семинар өтті.
Семинардың мақсаты: жаңартылған білім беру мазмұны бойынша әдіс-тәсілдерді тиімді пайдалана отырып, сапалы білім мен саналы ұрпақ тәрбиелеу. Семинарға аудандық білім бөлімнің әдіскерлері және аудан мектептерінің қазақ тілі мен әдебиеті, математика, география, дене шынықтыру, өзін-өзі тану, бастауыш сынып мұғалімдері, мектеп кітапханашылары, тәлімгерлер қатысты.
Қыздар арасындағы баскетбол жарысы
- Толығырақ
- Жарияланды 21.12.2018 11:48
2018 жылғы 21 желтоқсан күні Шөптікөл жалпы орта білім беру мектебінде аудан көлемінде қыздар арасында баскетбол жарысы өткізілді. Бұл спорттық ойын саласына ауданымыздың 8 мектебінен командалар келіп, өздерінің спортқа деген ынталарын көрсетті. Оқушылардың спорт саласындағы дайындықтарын қадағалау мақсатында Баянауыл ауданының білім бөлімінің әдіскері мен мектебіміздің директоры қатысты.
Әр мектептерден келген командалар бірінен-бірі асқан ойыншылар екенін ойын үстінде дәлелдей түсті. Финал ойынына 8 мектеп арасынан Шөптікөл командасы мен Шадыра командасы сүрінбей өтіп, жарыстың нүктесін қоюға, баскетбол ойынының жеңімпазы атануға таласқа түсті. Баскетбол ойын жарысының нәтижесінде ІІІ орын иегерлері Әблешов Ерланның жетекшілігімен келген К.Кемеңгеров атындағы ЖОББ мектебі, ІІ орынды Шадыра ЖОББ мектебінің жетекшісі Үкібай Дәурен және арнайы баскетбол кубогінің иегерлері, І орын жүлдегерлері Хұрманбай Тілейханның жетекшілігімен шыныққан Шөптікөл ЖОББ мектебінің қыздар командасы жеңіске жетті.
«Eń úzdіk ádіsteme-sheberlіktі shyndaý»
- Толығырақ
- Жарияланды 21.12.2018 10:48
2018 жылғы 20 желтоқсан күні №1 Майқайың жалпы орта білім беру мектеп базасында «Ең үздік әдістеме-шеберлікті шыңдау» тақырыбында аудандық семинар өтті.
Семинардың мақсаты – жаңартылған білім беру мазмұны: оқыту үдерісіндегі педагогикалық технологиялардың тиімділігін практика және тәжірибе барысында көрсету.
Семинарға Павлодар қаласының химия-биология бағытындағы Назарбаев Зияткерлік мектеп директорының бейінді-эксперименттік жұмысы жөніндегі орынбасары А.Ж.Көпеев және Назарбаев Зияткерлік мектебінің мұғалімдері, аудандық білім бөлімінің әдіскерлері, аудан мектептерінен химия, биология, физика, орыс тілі, қазақ тілі, бастауыш сынып мұғалімдері қатысты.
