Баянауыл ауданыныңмектепке дейінгі ұйымдарында
2023 жылға арналған мектепке дейінгі тәрбие мен оқытуға мемлекеттік
білім беру тапсырысын орналастыру үшін мектепке дейінгі
ұйымдардың тізбесін қалыптастыру жөніндегі конкурстық рәсімді өткізу туралы хабарландыру
Білім беру ұйымдарында ақша қаражатын
жинауға тыйым салу туралы бұйрық
Жаңалықтар
Балаларға арналған «Мен зерттеушімін» республикалық конкурсының аудандық турын өткізу туралы ЕРЕЖЕ
- Толығырақ
- Жарияланды 08.02.2023 10:36
1.Жалпы ереже
1.1. Осы Ереже меншік нысанына және ведомстволық бағыныстылығына қарамастан мектепке дейінгі ұйымдар арасында балаларға арналған «Мен зерттеушімін» республикалық конкурсын ұйымдастыру тәртібі мен өткізу шарттарын белгілейді, мақсаты мен міндеттерін айқындайды.
1.2. Конкурс ҚР ОАМ «Балаларды ерте дамыту институты» РММ (бұдан әрі – Институт) 2023 жылға арналған жоспарына сәйкес өткізіледі.
1.3. Мақсаты: Қоршаған әлеммен өзара қарым-қатынас жасауға қажетті танымдық және зерттеушілік әрекеттің қарапайым дағдыларын меңгеру үшін жағдай жасау, қарапайым экологиялық ұғымдарды қалыптастыру.
1.4. Міндеттері:
- тәрбиеленушілердің қызығушылықтарын, қажеттіліктерін, жас және жеке ерекшеліктерін ескере отырып, танымдық, шығармашылық дағдыларын, зерттеу іс-әрекетін дамыту;
- балалардың қарапайым зерттеулер жүргізуге қызығушылығын қалыптастыру, тірі және өлі табиғат туралы білімдерін кеңейту;
- балалардың танымдық, коммуникативтік, креативті және сыни ойлау, командамен жұмыс істеу дағдыларын дамыту;
балаларды себеп-салдарлық байланыстарды орнатуға, зерттеу барысында жаңа ақпараттарды алуға, обьектілерге зерттеу жүргізу үшін алгоритмін жасауға үйрету;
- балалардың зерттеу әрекетіне ата-аналарды тарту, қауіпсіздік ережелерін сақтау.
«Eco-life мектебі»
- Толығырақ
- Жарияланды 07.02.2023 10:05
2019-2020 оқу жылынан бері Ш. Айманов атындағы жалпы орта білім беру мектеп-интернатында «Оқушы-ата-ана-мектеп байланысы арқылы экологиялық мәдениеті қалыптасқан адам - адам, адам - табиғат деген байланысы бекіген, салауатты өмір салты қалыптасқан, табиғат қорғаушысы, өз елінің патриоты ретінде тұлға қалыптастыру» мақсатында «Eco-life мектебі» экологиялық білім беру жобасы жұмыс жасуда. 27 қаңтар күні аудан мектептері арасында «Eco-life мектебі» экологиялық білім беру жобасының жұмысымен таныстыру мақсатында «Экологиялық мәдениет- заманауи мектебінің басты талабының бірі» тақырыбында тәжірибе алмасу семинары өтті. Семинарға аудан білім бөлімі әдіскерлері Оразалина Айгуль Ырсынбековна мен Шумакова Маншук Тынысовна, аудан педагогтары қатысты.
Бүгінгі іс-шарада мектеп-интернат басшысы Досмагамбетова Салтанат Сейтжановна мектеп-инернаттағы экологиялық бағытта жасалып жатқан жұмыстармен таныстырды. «Eco-life мектебі» жобасында белсенді жұмыс жасап жатқан педагогтар квест ойыны түрінде шеберлік сағаттарын өткізді. Атап айтатын болсақ: Фито –шайлар. Табиғат бұрышын ұйымдастыру. «Табиғи құндылықтар мен адами » психологиялық тренинг. «Шебер-сынып» «Экологиялық ілім» ғылыми жобалар бекеттері. Келген қатысушылар әр бекетте түрлі мағлұматтар алып, жұмыс жасады.
РАБОТОТЕХНИКА – ЗАМАН ТАЛАБЫ
- Толығырақ
- Жарияланды 03.02.2023 10:12
Роботтар – қарқынды дамып келе жатқан болашақтың жоғарғы технологияларының бірі. Қазіргі кезде роботтарды өміріміздің көптеген саласында пайдаланып жатыр, атап айтсақ, ғарышты игеру, денсаулық сақтау, қоғамдық қауіпсіздікті қамтамасыз ету, өндіріс салалары.
Осы орайда Мәшһүр Жүсіп Көпейұлы атындағы жалпы орта білім беру мектебінде «Robotek Crand Tjurgament- 2023» работотехникадан мектеп оқушылары арасындағы республикалық чемпионатының аудандық алғашқы кезеңі өтті.
Турнирдің мақсаты: работотехника, инженер және бағдарламалау салаларында дарынды балаларды анықтау және оларды қолдау. Жастар арасында техникалық мамандықтарды танымал ету. Қоғам мен мемлекеттің назарын техникалық білім беру мәселелеріне аудару.
«Robotek Crand Tjurgament- 2023» чемпионатының ашылу салтанатынан кейін физика-информатика пәнінің мұғалімі «Үздік педагог -2022» конкурсының жеңімпазы Аюпов Аскар Хамзаұлы мұғалімдер арасында ғылыми -техникалық идеялар , техникалық ақпарат және инженерлік білімдері бойынша тәжірибелерімен бөлісіп кең ауқымда семинар өткізді. Чемпионат 7 санаттан тұрды. Арнайы жабдықталған работтарды модельдеу және бағдарламалау жұмыстарын көрсетті.
Чемпионатқа ауданымыздың 8 мектебінен 26 мұғалім 50 оқушы келді.
Өз роботтарымен келген оқушылар сайыста қызу тартысқа түсті. Сайыс нәтижесі бойынша төмендегі мектеп оқушылары жеңіске жетті. Болашақта мұғалімдер мен оқушылар осы сайыста алған білімдерін шыңдап работотехникадан жоғары деңгейде нәтиже көрсетіп биіктерді бағындыратынына сенімдеміз.
"JARYQ FOUNDATION" жобасы
- Толығырақ
- Жарияланды 02.02.2023 09:47
Бүгінгі таңда өмір қазіргі білімге көптеген сұрақтар қояды, бірақ олардың көпшілігі әлі жауапсыз қалады немесе теориялық негіздеме алғаннан кейін олар іс жүзінде көрінбейді. Бұл жоба бүгінде мектеп пен қоғам алдында тұрған міндеттерді іс жүзінде жүзеге асыруға, проблемаларды шешуге тырысады.
Қазіргі қоғам жалпы білім беру мекемелері түлектерінің интеллект деңгейіне ерекше талаптар қояды. Егер оқушылардың пәндерге қызығушылығы болмаса, интеллектті қалай арттыруға болады?
Оқушыларды тәрбиелеу, оқыту және дамытудың ең көне құралдарының бірі-ойын. Сондықтан мектеп бағдарламасының материалын игеру аясында қол жетімді, жеңіл және қызықты түрде жаңа білім алатын интеллектуалды ойын-жарыстың нұсқасын әзірлеу туралы шешім қабылданды.
"JARYQ FOUNDATION" жобасы осылардың шешімі болып табылады. Жобаның авторлары Халимолла Дидар Қанатұлы; Бахитденов Бөгембай Маратұлы; Рахимжанов Ермек Ерқанатұлы - №2 Майқайың ЖОББМ мұғалімдері. Бұл жобаға 7 - 11 сынып оқушылары және педагогтар қатыса алады.
“JARYQ FOUNDATION”
- Толығырақ
- Жарияланды 01.02.2023 09:44
“JARYQ FOUNDATION” ұйымдастыруымен “JARYQ” интеллектуалды ойыны өз мәресіне жетті.
Ақтық ойында Ботаев Арлан бастаған , құрамында Берікбекқызы Рауза , Берікбекқызы Мадина , Аужанова Диляра , Серикова Айым сынды ойыншылар Гульназ Зкенованың тобына қарсы тұрды, Гульназ бастаған топта Толегенов Асанали , Жумабаева Анель, Цугурова Нелли , Куатов Арсен сынды озық ойлы оқушылар.
Ойынды қолдап , жобаны қолдау мақсатында аудан әкімінің орынбасары Самал Қанатовна, аудандық білім бөлімінің басшысы Мереке Талқайратұлы қонақта болды.
Ойын қорытындысы бойынша Зкенова Гульназ бастаған топ “жеңімпаз” атанып , ойынның басты жүлдесі 100.000 теңгені иеленді. Ботаев Арлан тобы да құр қол қайтпады , аудан әкімдігінің ұйымдастыру бөлімінің басшысы Қаныш Совет топқа 50.000 теңге қаржылай сыйлық жасады.
Аудандық дебат турнирі өтті
- Толығырақ
- Жарияланды 24.01.2023 16:35
2023 жылдың қаңтар айының 24-ші жұлдызында Баянауыл ауданының мектеп оқушылары арасында «Өтірік өрге баспайды» ерікті мектеп клубтарының аудандық пікірсайыс слетіне 11 мектептен, барлығы 22 оқушы қатысты. Оқушылардың ой-өрісін дамыту, іздендіру, мәдениеттілікке тәрбиелеу мақсатында ұйымдастырылған пікірсайыс нәтижесінде 3-орынды М.Әуезов атындағы ЖОББМ-інің "Жас қазақ" тобы алса, 2-орынға З.Ақышев атындағы ЖОББМ-інің "Парасатты жастар" тобы иелік етті. 1-орынды М.Ж.Көпеев атындағы ЖОББМ-інің "Ақиқат ұшқыны" тобы жеңіп алды. Ал, облысқа жолдаманы Ә.Марғұлан атындағы ЖОББМ-інің "Болашақ" тобы ұтып алды. "Үздік спикер" атағы М.Әуезов атындағы ЖОББМ-інің "Жас қазақ" тобының лидері Вовка Құдайбергенге берілді. 2023 жылдың қаңтар айының 24-ші жұлдызында Баянауыл ауданының мектеп оқушылары арасында «Өтірік өрге баспайды» ерікті мектеп клубтарының аудандық пікірсайыс слетіне 11 мектептен, барлығы 22 оқушы қатысты. Оқушылардың ой-өрісін дамыту, іздендіру, мәдениеттілікке тәрбиелеу мақсатында ұйымдастырылған пікірсайыс нәтижесінде 3-орынды М.Әуезов атындағы ЖОББМ-інің "Жас қазақ" тобы алса, 2-орынға З.Ақышев атындағы ЖОББМ-інің "Парасатты жастар" тобы иелік етті. 1-орынды М.Ж.Көпеев атындағы ЖОББМ-інің "Ақиқат ұшқыны" тобы жеңіп алды. Ал, облысқа жолдаманы Ә.Марғұлан атындағы ЖОББМ-інің "Болашақ" тобы ұтып алды. "Үздік спикер" атағы М.Әуезов атындағы ЖОББМ-інің "Жас қазақ" тобының лидері Вовка Құдайбергенге берілді.
