Жаңалықтар
Асем Шарапиденовна Жакенова
- Толығырақ
- Жарияланды 27.07.2023 09:38
Қазақстан Республикасы білім және ғылым министрінің 2012 жылғы 21 ақпандағы №57 бұйрығымен бекітілген Мемлекеттік білім беру ұйымдарының бірінші басшылары мен педагогтерін лауазымға тағайындау, лауазымнан босату қағидаларына (2022 жылға енгізілген өзгерістермен) сәйкес 2023 жылғы 22 маусымдағы «Павлодар облысының білім беру басқармасы» ММ конкурстық комиссиясының қорытынды отырысының №1 хаттамасы негізінде 2023 жылдың 01 шілдеден бастап Павлодар облысының білім беру басқармасы, Баянауыл ауданының білім беру бөлімінің “С.Торайғыров атындағы жалпы орта білім беру мектебі” КММ басшысы Асем Шарапиденовна Жакенова тағайындалды.
Жазғы лагерь
- Толығырақ
- Жарияланды 24.05.2023 15:55
Жазғы лагерь бойынша ақпараттарды Баянауыл аудандық білім беру бөлімінің
cаll center: 8(71840)91081 нөміріне хабарласып біле аласыздар!
"Makerspace Pavlodar Кубогы"
- Толығырақ
- Жарияланды 10.03.2023 09:38
American Corner & Makerspace Pavlodar С.Торайғыров атындағы облыстық әмбебап ғылыми кітапханасының аумағында.Робототехниканы дамыту Федерациясымен бірлесіп, Павлодар облысының оқушылары арасында робототехниканы дәріптеу мақсатында "Makerspace Pavlodar Кубогы" өтті.
Ауданымыздың Ш.Шөкин атындағы ЖОББМ - нің 5 – сынып оқушысы Амантай Муслим және 4-сынып оқушысы Хамзаева Томирис "Сумо" санаты бойынша I – орынды иеленді.Ш.Айманов атындағы мектеп- интернатының 7 а сынып оқушылары Ескендір Жанель, Даулетқан Расұл "Шығармашылық" санаты бойынша I – орын. З.Ақышев атындағы ЖОББМ – нің 6 - сынып оқушылары Ғабдысаттар Айзере, Пәзіл Ақберен "Сумо" санты бойынша III – орын иеленді.Оқушыларымызды құттықтаймыз!
«STEAM - білім беру үдерісіндегі инновациялық технологиялар» тақырыбында аудандық семинар өтті
- Толығырақ
- Жарияланды 03.03.2023 10:36
2023 жылдың 3 наурыз күні Шапық Шөкин атындағы №2 жалпы орта білім беру мектебінде «STEAM - білім беру үдерісіндегі инновациялық технологиялар» тақырыбында аудандық семинар өтті. Қоғамның жаңа қажеттіліктеріне сәйкес заманауи инновациялық әдістер мен технологияларды оқу үрдісіне тиімді қолдану, оқушының қажымас ізденімпаздылығы мен шығармашылық жемісін талап ету мақсатында ұйымдастырылған семинар жұмысына аудандық білім беру бөлімінің әдіскерлері, жалпы білім беру мектептердің ағылшын тілі, физика, математика, биология, география пәндерінің мұғалімдері қатысты. Аталмыш семинардың бастауы тіркеу бөлімінен басталды. «3D қағазды модельдеу» шебер сағатын көркем еңбек пәнінің мұғалімі Жеңісгүл Егеубайқызы Туяқаева жалғастырды. Әрі қарай семинарды мектеп басшысының міндетін атқарушысы Мəдина Сағидоллақызы Сұңқарбекова ашты. Семинардың ашылуынан соң, пән мұғалімдері ашық сабақтар өткізді. Физика пәнінің мұғалімі Дана Сəбитқызы Іңірбай 10-сыныпта «Конденсаторлар», «Jamboard», «Kahoot» платформалары тақырыбында, ағылшын тілі пәнінің мұғалімдері Айя Əмірханқызы Ермекова, Эльмира Талғатбекқызы Солтанова 5-сыныптарда «The gallery of fairy tales» ертегілік қойылым қойды.
Ұстаздарымыз «Жылдың үздік психологі» республикалық конкурсына қатысып жүлделі оралды
- Толығырақ
- Жарияланды 03.03.2023 10:31
Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы ағымдағы жылдың 1-3 наурызы Алматы қаласында «Жылдың үздік психологі» республикалық конкурсының қорытынды кезеңі өтті.Конкурс талантты психологтерді анықтау және қолдау, олардың одан әрі кәсіби дамуы және шығармашылық тұрғыдан өсуіне ықпал ету мақсатында өткізілді.
Республикалық конкурсқа ауданымыздан Ш.Шөкин атындағы ЖОББМ – нің педагог-психологі Шумейко Марина Сергеевна және Д.Рахметов атындаға ЖОББМ - нің педагог-пихологі Қадірбек Айдана Қадірбекқызы қатысты. Шумейко Марина Сергеевна II ДӘРЕЖЕЛІ дипломға ие болды. Қадірбек Айдана Қадірбекқызы «Қол жеткізген ерекше жетістектері үшін» грамотамен марапатталды.
Білікті де білгір ұстаздарымызды құттықтаймыз!
Балабақшада өткен тиімді семинар
- Толығырақ
- Жарияланды 01.03.2023 12:23
2023 жылдың 28 ақпан күні "Туберкулез ауруына шалдығуы ықтимал мектеп жасына дейінгі балаларға арналған "Шағала" балабақшасы" мемлекеттік мекемесінде мектепке дейінгі білім беру ұйымдарының педагогтеріне арналған "Денсаулық сақтау технологияларын балабақшада тиімді пайдалану" тақырыбында аудандық семинар өтті.
Семинардың мақсаты: педагогтердің жаңартылған үлгілік оқу бағдарламасы бойынша тәжірибе алмасу, тәрбиешілердің кәсіби құзыреттілігін арттыру. Семинарға аудан бойынша 20 тәрбиеші, аудандық білім беру бөлімінің әдістемелік кабинет басшысы Гүлнәзи Нұртаева мен бас маман Нұрсағат Ермеков, әдіскер Айгүл Оразалина қатысты.
Семинардың ашылуын балабақша психологі Айнұр Қайырбаева танысу тренингімен бастады. Гауһар Бейсенбаева «Воскобович ойын технологиясы» тақырыбында келген қонақтарға шебер сынып өткізді.
Балабақша тәрбиешілері Құндыз Қаламий, Зәурегүл Маусым, Айдана Амантау, балабақша логопеді Аяжан Күлғожа «Кеңістікте бағдарлау арқылы сөйлеу тілін дамыту» тақырыбында ашық сабақ өткізді.
Семинар соңында ұсынымдар мен пікірлер айтылды.