Анонс
Құрметті қызмет алушылар, Қазақстан Республикасының Мемлекеттік қызмет істері агенттігі 2022 жылы мемлекеттік қызметтерді көрсету сапасымен қанағаттану деңгейін анықтау мақсатында «Ашық диалог» алаңында онлайн нысанда сауалнама жүргізіп жатыр.
Сауалнамаға белсенді түрде қатысуларыңызды сұраймыз.
Жаңалықтар
«Баянауыл дарыны-2022» марапаттау рәсімі.
- Толығырақ
- Жарияланды 02.06.2022 09:08
Қаныш Сәтбаев атындағы мемориалдық мұражайында дарынды балалардымарапаттау рәсімі өтті. Баянауыл ауданы бойынша 2021-2022 оқу жылында Халықаралық және Республикалық сайыстардың 23 жеңімпазы марапат төрінен орын алды. Кездесуге аудан әкімі Серік Барлыбайұлы Батырғожинов пен аудан әкімінің орынбасарлары, бөлім басшылары, ауданымыздың Құрметті азаматтары, дүниежүзілік ХІХ жазғы Гимназиада жеңімпазы Диханның ата-анасы қатысты.
2021-2022 оқу жылы Баянауыл ауданының оқушылары Халықаралық және Республикалық сайыстарда жалпы аудан бойынша көптеген сайыстарда жүлделі орындарға ие болды. Бұл Баянауыл үшін зор мақтаныш пен үлкен қуаныш!
Марапаттау рәсіміне ауданымыздың әкімі Серік Барлыбайұлы Батырғожинов қатысты. Марапаттау рәсімінің алғашқы шымылдығын 30 мамыр күні Нұрсұлтан қаласында өткен Дүниежүзілік ХІХ жазғы Гимназиада жеңімпаздары мен жүлдегерлерін Білім және ғылым министрі Асхат Айтмағамбетовтың салтанатты марапаттау рәсімінде қатысып келген Зейтін Ақышев атындағы жалпы орта білім беру мектебінің 11-сынып оқушысы Дихан Шайқыбеков болды. Дихан Бүкіл әлемдік жазғы гимназиадада Республика намысын қорғап бокстан ІІ орын иегері атанып, Павлодар облысы Ертіс-Баян өнірінің атын асқақтатты.«Жүйріктен жүйрік шығар жарысқанда» дегендей, осындай шәкіртті халықаралық додаға дайындаған бапкері Әзімбек Несіпбекұлы Әбжанов.
ROBOPOLIS -2022
- Толығырақ
- Жарияланды 24.05.2022 12:37
Жуырда 21 мамырда Павлодар қаласында мектепке дейінгі, мектеп оқушыларының арасында Евразия Университетімен робототехника федерациясын дамыту «ROBOPOLIS -2022» чемпионаты өтті. Чемпионатта Павлодар облысында 200- ден астам талапты да талантты оқушылар өз командаларының жеңісі үшін сынға түсті.
14-18 жас аралығында өткен СУМО категориясы бойынша қатысқан
9-сынып оқушысы Марат Райымбек пен 8-сынып оқушысы Баян Қасиет І орынды иеленсе, 11- сынып оқушысы Тұранәлі Лаура мен 10-сынып оқушысы Махмутов Ерхан жүлделі ІІ орынды қанжығаға байлады.
10-14 жас аралығында өткен осы категория бойынша қатысқан 6-сынып оқушысы Казтаев Қазбек пен 5-сынып оқушысы Назымхан Ернар І орын алып жеңімпаз атанды.
Бұл командалық жарыс болғаннан кейін топтағы 11-сынып оқушысы Тұранәлі Лаура «оза шауып, бәйге алды». Жарыстың соңғы кезеңінде топ жарған Лаурамыз Павлодар инновациялық Еуразиялық университетінің AITI саласы бойынша грант иегері атанды. Жетекшісі Аюпов Аскар Хамзаұлы.
Аудандық домбырашылар ансамбілінің байқауы өтті
- Толығырақ
- Жарияланды 12.05.2022 15:55
2022 жылғы 15 мамыр күні Майқайың балалар өнер мектебінің базасында Баянауыл аудандық білім беру бөлімінің ұйымдастыруымен «Балалар жылы» аясында аудандық домбырашылар ансамбль байқауы өтті.
Бұл байқау ауданымыздағы жалпы орта білім беру мектептеріндегі домбыра сыныбының оқушылары арасында болды. Бүгінгі байқауға Қ.Кемеңгеров, Қ.Сәтбаев, Үшқұлын, Шадыра, М.Әуезов, Ш.Айманов, Ш.Шөкин, М.Ж.Көпеев, № 2 Майқайың орта мектептері қатысты Домбырашылар ансамбльдер байқауында қазылар алқасының төрағасы болып күй өнерін аса қадірлейтін, ардагер ұстаз, күйші Нұрғали Рахымғали Ниязбекұлы, комиссия мүшелері Жаяу Мұса атындағы Баянауыл балалар өнер мектебінің домбыра сыныбының мұғалімі Олжатай Мереке Жұматайұлы және Майқайың балалар өнер мектебінің домбыра сыныбының мұғалімі Серік Құштар төрелік жасады.
Домбырашылар ансамбль байқауына қатысушылар жастық санаттары бойынша: кіші (7-10 жас) және үлкен (11-15 жас) топқа бөлініп бәсекеге түсті.
Байқау қорытындысы бойынша кіші топтан Ш.Айманов атындағы жалпы орта білім беру мектеп-интернатының домбырашылары I орынды, ал үлкен топтан М.Әуезов атындағы орта мектебінің домбырашылары I орынды жеңіп алды.
«Оқушылардың функционалдық сауаттылығын дамыту ерекшеліктері» тақырыбында облыстық семинар өтті.
- Толығырақ
- Жарияланды 23.04.2022 09:51
2022 жылғы 22 сәуір күні Шәкен Айманов атындағы жалпы орта білім беру мектеп-интернатында «Оқушылардың функционалдық сауаттылығын дамыту ерекшеліктері» тақырыбында бастауыш сынып, физика, информатика, қазақ тілі мен әдебиеті пән мұғалімдерінің облыстық семинары өтті.
Семинардың мақсаты: оқыту тәжірибесіне заманауи тәсілдерді енгізу мен сабақ үрдісінде саралау, бақылау, кері байланысты тиімді жүзеге асыруда пән мұғалімдерімен бірлескен жұмысты ұйымдастыру.
Өзара тәжірибе алмаса отырып, пәндер арасында кездесетін мәселелерді бірлесе шешу жолында ауданымыздағы аймақтық мектептерден пәндерден сабақ беретін 42 мұғалім және білім беру бөлімінің әдіскерлері Гүлмира Қабдымүлікқызы Қошанова, Махаббат Құдайбергенқызы Сәдуақасова, Айгүл Ырсымбекқызы Оразалина, Мәншүк Тынысқызы Шумақова семинарға қатысты.
«Волейбол» жарысының жеңімпаздары.
- Толығырақ
- Жарияланды 11.04.2022 10:01
2022 жылғы 7-9 сәуір күндері аралығында Павлодар қаласында оқушылар арасындағы ХХVIII облыстық жазғы спартакиадасының волейбол жарысы өтті.
Баянауыл ауданынан Ш.Айманова атындағы ЖОББМИ-нің 8-сынып оқушылары Аманжол Аружан, Сапарғали Сәния, Қамар Толғанай, Оралтай Айжаным, Серік Айнұр, 9- сынып оқушылары Төкен Гүлдана, Сәбитова Аружан, 11- сынып оқушысы Балғабай Нұрдаулет, М.Әуезов атындағы ЖОББМ -нің 8 -сынып оқушысы Қайратқызы Жәния, Ә.Марғұлан атындағы ЖОББМ -нің 8-сынып оқушысы Марат Нұртан, 11-сынып оқушысы Сансызбай Салтанат, Ш.Шөкин атындағы ЖОББМ-нің 8-сынып оқушылары Мұқантай Әділ, Арыстан Байтемір, Шайкыпануов Эмирхан, Тимиров Нұрасыл, 10-сынып оқушылары Талғат Руслан, Сануар Мансұр, Ж.Аймауытов ат.ЖОББМ-нің 10-сынып оқушысы Закван Аңсар волейбол жарысына қатысты.
Жарыс қорытындысы бойынша Баянауыл ауданының ұлдар командасы I орынды жеңіп алды.
Ұлдар командасын волейбол жарысына дайындаған Ш.Шөкин ат.ЖОББМ-нің дене шынықтыру пәнінің мұғалімі Мақсат Арғынұлы Қанафия.
«Функционалдық сауаттылық – тұлға қалыптастыру негізі» тақырыбында аймақтық семинар.
- Толығырақ
- Жарияланды 17.03.2022 07:21
2022 жылғы 16 наурыз күні Жылбек Ағаділов атындағы жалпы орта білім беру мектебінде білім алушылардың функционалдық сауаттылығын арттыру әдіс-тәсілдері бойынша тәжірибе алмасу мақсатында «Функционалдық сауаттылық – тұлға қалыптастыру негізі» тақырыбында аймақтық семинар өтті. Семинардың мақсаты: сабақ барысында әдіс-тәсілдерді тиімді қолдана отырып, өзара тәжірибе алмасу.
Аудандық білім беру бөлімінің әдістемелік кабинет меңгерушісі Г.З. Нұртаева мен мекеме басшысы М.Т.Қожанов семинардың ашылуы және бағдарламасымен таныстырды. Сонымен қатар, Екібастұз қаласының «Облыстық көпсалалы дарынды балаларға арналған көптілді лицей-интернатының» басшысы Е.Қалихан құттықтау сөз сөйлеп, мектепке сыйға кітаптар табыстады.
