Жаңалықтар
0қушыларымыз олжамен оралды
- Толығырақ
- Жарияланды 29.09.2022 08:57
«Ертіс дарыны» өңірлік қосымша білім беру оқу-әдістемелік орталығының жұмыс жоспарына сәйкес Павлодар қаласындағы Абай атындағы гимназия базасында 2022 жылғы 28 қыркүйекте Павлодар облысы ауылдық жалпы білім беру ұйымдарының 9-11 сынып оқушыларына арналған ІІІ облыстық гуманитарлық олимпиадасы өткізілді.
ІІІ облыстық гуманитарлық олимпиаданың тақырыбы ретінде қазақ әдебиетінің көрнекті өкілі, жазушы Ғабит Мүсіреповтің 120-жылдығы аясында «Ұлпан» романы мен онда бейнеленген тарих кезеңі таңдалды. Оқушыларымыз Қазақстан тарихы және қазақ әдебиеті пәндерінен білімін ортаға салды.
Олимпиадаға мемлекеттік және орыс тілде оқытылатын 9, 10, 11 сыныптардан ауданымыздан III облыстық гуманитарлық олимпиадаға Ш.Шөкин атындағы №2 ЖОББМ-нің 9-сынып оқушысы Дарья Пашко, №2 Майқайың ЖОББМ-нің 11-сынып оқушысы Әйгерім Жүсіпова, М.Әуезов атындағы ЖОББМ-нің 9-сынып оқушысы Фатима Хайролла, Ш.Айманов атындағы ЖОББМИ-ның 10-сынып оқушысы Аружан Сәбитова қатысты.
«Менің кіші Отаным» атты V Республикалық интеллектуалдық байқауы басталды.
- Толығырақ
- Жарияланды 20.09.2022 09:23
"Дарын" Республикалық ғылыми-практикалық орталығы 2022-2023 оқу жылының жоспарын сәйкес 2022 жылдың 19 қыркүйек күні жас тарихшылардың "Менің кіші Отаным" атты V Республикалық интеллектуалдық байқауы өткізілді.
Байқауға аудандық кезеңіне 45оқушы бәйгеге түсіп бақтарын сынады.
Байқауға қатысушылар Қазақстан тарихынан тест сұрақтарға жауап берді. Екінші тапсырмада оқушылар эссе жазды.
Жоғары ұпай жинаған оқушылар I,II,III дәрежелі дипломмен марапатталады.
I дәрежелі диплом алған оқушы аудан атынан облыстық кезеңге жолдама алады.
Педагог мамандардың тамыз кеңесі - жыл қорытындысы
- Толығырақ
- Жарияланды 26.08.2022 09:45
2022 жылғы 25 тамыз күні аудандық «Мәдениет» үйінде дәстүрлі Баянауыл ауданы педагог қызметкерлерінің «Білімді ұлт: терең білім, еңбекқорлық және отаншылдық қасиет» тақырыбында тамыз конференциясы өтті.Конференцияға ардагер ұстаздарымыз, мектеп мұғалімдері, аудан орынбасарлары, ауыл әкімдері, бөлім басшылары, қамқоршылық кеңестің басшылары, жас мамандар қатысты.
Жаңа оқу жылы қарсаңында өткен аудандық тамыз конференциясы тың идеялар
мен жаңалықтарға толы болды. Баршаңызға белгілі, әрбір оқу жылы алға қойған мақсаттарды айқындап, межелерді бекітеді. Педагог мамандардың тамыз кеңесі - жыл қорытындысы.
Пленарлық кеңес отырысында спикерлер: Баянауыл ауданының әкімі Серік Барлыбайұлы Батырғожинов, білім беру бөлімінің басшысы Мереке Талқайратұлы Әбдікәрімов, «Сенімен Болашақ» республикалық ата-аналар қоғамдастық бірлестігінің, Павлодар облыстық филиалының басшысы Жанарыс Хызыр, Шадыра жалпы орта білім беру мектебінің директоры Төлеген Қанатұлы Ахаев, Зейтін Ақышев атындағы жалпы орта білім беру кітапханашысы Жанар Қуантайқызы Бекмағанбетова жаңа оқу жылының жаңалықтарымен ой бөлісті. Баянауыл ауданының әкімі Серік Барлыбайұлы Батырғожинов баяндамасынан кейін бірнеше ұсыныстар берді. Білім беру бөлімінің басшысы Мереке Талқайратұлы Абдыкаримов жаңа оқу жылының жаңалықтарымен таныстырды.
Қазіргі таңда еліміздің түпкір-түпкірінде орналасқан шағын елді-мекендердегі мектептердің басым көпшілігі -шағын жинақты мектептер. Мектеп құрылымы бұлай өзгеше аталғанымен, мұндағы білім мен тәрбие сапасына қойылатын талап барлық білім беру мекемелеріне қойылатын талаппен бірдей болып қала береді. Сондықтан да шағын жинақты мектеп жұмысын ұйымдастыруға ерекше көңіл бөлу керек.Олай болса, шағын жинақтық мектепердің оқу-тәрбие үрдісін ұйымдастырудағы жаңа әдістерімен Шадыра жалпы орта білім беру мектебінің директоры Төлеген Қанатұлы Ахаев бөлісті.
Елімізде оқушы жастардың кітап оқымайтыны туралы жиі айтылатыны жасырын емес. Жалпы, оқушылар кітап оқымай ма, әлде мектеп оқушылары қызығып оқитын көркем әдебиеттер жоқ па деген сұрақтың да ойға оралатыны анық. Жас жеткіншектерді «кітап оқымайды» деп бекерге кінәлай бергенше олар қызығып оқитын кітаптарды көптеп шығарып, алыс ауылдардағы мектептерге таратудың маңызы зор. Осы орайда Мемлекет басшысы Қасым-Жомарт Тоқаевтың тапсырмасы аясында Қазақстан Республикасының Білім және ғылым министрлігі орта білім саласында «Оқуға құштар мектеп» жобасын қолға алды. Ауданымыздің барлық 26 мектебі бұл жобаға қатысып жатыр. Осы жоба аясында атқарылған жұмыстардың нәтижесіне Зейтін Ақышев атындағы жалпы орта білім беру кітапханашысы Жанар Қуантайқызы Бекмағанбетова тоқталды.
«Жазғы мектеп» атқарылып жатқан жұмыстар барысы
- Толығырақ
- Жарияланды 07.06.2022 15:37
Қазақстан Республикасы Білім және ғылым министрінің 2021 жылғы «26»мамырдағы № 240 бұйрығына қосымша жазғы мектепті ұйымдастыру жөніндегі әдістемелік ұсынымға сүйене отырып, «Жазғы мектеп» 26 мамыр - 17 мауысым аралығында барлық ниет білдірген білім алушылар үшін ата-аналарының өтініші бойынша оқыту сапасын арттыру, білім алушылардың, білім алушылардың біліміндегі олқылықтарды қалпына келтіру және білімін толықтыру мақсатында ұйымдастырылды. Жазғы мектепті оқыту: 1-8, 10 сынып білім алушылары қамтылды. Жалпы 2890 оқушы жазғы мектепте білім алуда. 219 мұғалім жазғы мектепте жұмыс атқаруда. Бастауыш сыныптар бойынша математика, қазақ тілі, әдебиеттік оқу, ана тілі, жаратылыстану, ағылшын тілі, дене шынықтыру пәндері, 5-8 сыныптар үшін математика, алгебра, геометрия, физика, химия, жаратылыстану, биология, ағылшын тілі, орыс тілі, тарих пәндері жүргізілуде. 10 сынып оқушылары мен ата-аналарының өтініші бойынша ҰБТ және қорытынды аттестацияға дайындық жұмыстары ұйымдастырылды.
Баянауыл ауданындағы білім беру ұйымдарында инновациялық-әдістемелік қызметі жүзеге асыру жолдары.
- Толығырақ
- Жарияланды 07.06.2022 12:37
Баянауыл ауданы білім беру бөлімінің әдістемелік кабинеті «Оқу-тәрбие үрдісінің мазмұны мен технологиялық жағынан модернизациялау» тақырыбын басшылыққа алып жұмыс жасайды. Баянауыл ауданы бойынша әдістемелік кабинетте 9 әдіскер жұмыс атқарады.Әдістемелік кабинет меңгерушісі Гүлнәзи Зейноллақызы Нұртаева.
Әдістемелік кабинеттің басты мақсаты:педагогикалық ұжымдардың кәсіби құзырлығын көтеру және білім мекеме басшыларының, орынбасарларының білім теориясын дамыта отырып тәжірибемен ұштастыру.
Жалпы орта білім берудің мемлекеттік жалпы орта білім беру стандарттарын меңгеру және енгізу үшін білім беру ұйымдарына қолдау көрсету, оқу-тәрбиелік үдерісін басқару және ұйымдастыру арқылы білім беру ұйымдарының педагогикалық қызметкерлердің ақпараттық, оқыту-әдістемелік, білім беру талаптарын қамтамасыз ету міндеттерін жүзеге асырамыз.
«Баянауыл дарыны-2022» марапаттау рәсімі.
- Толығырақ
- Жарияланды 02.06.2022 09:08
Қаныш Сәтбаев атындағы мемориалдық мұражайында дарынды балалардымарапаттау рәсімі өтті. Баянауыл ауданы бойынша 2021-2022 оқу жылында Халықаралық және Республикалық сайыстардың 23 жеңімпазы марапат төрінен орын алды. Кездесуге аудан әкімі Серік Барлыбайұлы Батырғожинов пен аудан әкімінің орынбасарлары, бөлім басшылары, ауданымыздың Құрметті азаматтары, дүниежүзілік ХІХ жазғы Гимназиада жеңімпазы Диханның ата-анасы қатысты.
2021-2022 оқу жылы Баянауыл ауданының оқушылары Халықаралық және Республикалық сайыстарда жалпы аудан бойынша көптеген сайыстарда жүлделі орындарға ие болды. Бұл Баянауыл үшін зор мақтаныш пен үлкен қуаныш!
Марапаттау рәсіміне ауданымыздың әкімі Серік Барлыбайұлы Батырғожинов қатысты. Марапаттау рәсімінің алғашқы шымылдығын 30 мамыр күні Нұрсұлтан қаласында өткен Дүниежүзілік ХІХ жазғы Гимназиада жеңімпаздары мен жүлдегерлерін Білім және ғылым министрі Асхат Айтмағамбетовтың салтанатты марапаттау рәсімінде қатысып келген Зейтін Ақышев атындағы жалпы орта білім беру мектебінің 11-сынып оқушысы Дихан Шайқыбеков болды. Дихан Бүкіл әлемдік жазғы гимназиадада Республика намысын қорғап бокстан ІІ орын иегері атанып, Павлодар облысы Ертіс-Баян өнірінің атын асқақтатты.«Жүйріктен жүйрік шығар жарысқанда» дегендей, осындай шәкіртті халықаралық додаға дайындаған бапкері Әзімбек Несіпбекұлы Әбжанов.