Жаңалықтар
«Оқуға құштар мектеп» жобасын іске асыру жолдары» тақырыбындағы аудандық семинар
- Толығырақ
- Жарияланды 12.04.2021 13:00
Аудандық білім беру бөлімінің жоспарына сәйкес «Оқуға құштар мектеп» жобасын іске асыру жолдары» тақырыбында семинар өтті. Семинардың мақсаты: кітапханашылардың үздіксіз кәсіби өсуіне қолдау көрсету және іс-әрекетті зерттеу туралы түсінік беру. Педагогикалық тәсілдермен таныстыру, тәжірибе бөлісу. Семинарға аудан бойынша директордың тәрбие ісі жөніндегі орынбасарлары, білім беру бөлімнің әдіскері, кітапханашылар, ата-аналар комитетінің мүшелері қатысты.
Аудандық семинарды №2 жалпы орта білім беру мектебінің, №1 Майқайың жалпы орта білім беру мектебінің, Ш.Айманов атындағы жалпы орта білім беру мектеп-интернатының, З.Ақышев атындағы жалпы орта білім беру мектебінің кітапханашылары өткізді.
«Оқуға құштар мектеп» жобасын іске асыру жолдары» тақырыбында ой бөлісті. Желтоқсан айынан бастап сәуір айына дейін атқарып жатқан жұмыстарын, әр түрлі іс-шаралар өткізген уақытта қолданылатын әдіс-тәсілдердің тиімділігіне тоқталды. Кері байланыс жасау арқылы семинарға қатысушылардың ойы мен пікірлері тыңдалды.
«Тәрбие алаңы» ауқымды іс-шаралар ортасы
- Толығырақ
- Жарияланды 09.04.2021 15:00
Павлодар қаласындағы «М.Катаев атындағы Оқушылар сарайы» базасында «Тәрбие алаңы» жобалық офисі ашылды. Жобалық офистің қызметі барлық мүдделі мемлекеттік органдармен, ҮЕҰ, қоғамдық ұйымдар және мекемелермен ынтымастық жасауды көздейді.
Жобаның мақсаты кәмелетке толмағандар арасындағы құқықбұзушылықты алдын алу жұмысын күшейту, ата-аналарға психологиялық-педагогикалық қолдау, медициналық патронаж, ата-аналарды жұмысқа орналыстыруға көмек көрсету, отбасылық қиын жағдайларды шешуге ықпал ету болып табылады.
Аталған бағытты іске асырудағы аспекті «Диалог терезесі» атты алаңын апта сайын ұйымдастыру.
2021 жылғы 8 сәуір күні алғашқы отырысы өтті. Отырысқа аудан әкімінің орынбасары Анар Балтабекқызы Баденова, №1 Майқайың жалпы орта білім беру мектебінің әкімшілігі, Баянауыл ауданы полиция бөлімінің инспекторы, аға лейтенат Дидар Нығмет, білім беру бөлімінің мамандары қатысты.
Отырыста Майқайың кентінің тұрғыны, жалғыз басты ананың кәмелет жасқа толмаған балалары алдындағы ата-аналық міндетін орындауы, материалдық мәселелері көрсетілді. Аталаған мәселелер талқыланып, жалғыз басты ананың ойы мен пікірі тыңдалды. Жиын соңында барлық көтерілген мәселелер оң шешіммен шешілді.
Баянауыл ауданы бойынша «Диалог терезесі» әр бейсенбі сағат 17.00-де аудан әкімінің орынбасары Анар Балтабекқызы Баденованың қатысуымен тұрақты өткізіліп тұрады.
«Елбасы медалі»
- Толығырақ
- Жарияланды 08.04.2021 18:00
Тұңғыш Президенті - Елбасы Нұрсұлтан Назарбаев жастар жылының аясында дарынды балаларды қолдау үшін «Ел үміті» бастамасын ұсынған еді. «Елбасы медалі» жобасының мақсаты жастардың интеллектуалды және шығармашылық дамуына ықпал жасау, ұлттық мәдениет пен дәстүрлерді тану және мұқтаж жандарға көмек көрсету жолында елдің белсенді жастарының басын біріктіру, қолдау болып табылады.
Бүгінгі күні Павлодар облысы бойынша жалпы 167 жеңімпаз болса, Баянауыл ауданы бойынша 7 оқушы қола медальмен марапатталды. Олар: Павлодар мемлекетік педагогикалық университет колледжінің 2 курс студенті Мұзданова Диана Бақытжанқызы, Академик Қаныш Сәтбаев атындағы мектеп-балабақша оқу-тәрбие кешенінің 11-сынып оқушысы Әнуарбекова Диана Арғанатқызы, Зейтін Ақышев атындағы жалпы орта білім беру мектебінің 10-сынып оқушысы Қабдолла Ділнәз Сайлауқызы, Зейтін Ақышев атындағы жалпы орта білім беру мектебінің 10-сынып оқушысы Қайратова Әсел Әсетқызы, Шәкен Айманов атындағы жалпы орта білім беру мектеп-интернатының 9-сынып оқушысы Қайыржан Айдана Серікқызы, №2 Майқайың жалпы орта білім беру мектебінің 11-сынып оқушысы Оспанова Айдана Жанатқызы, №1 Майқайың жалпы орта білім беру мектебінің 11-сынып оқушысы Мүлікқызы Әйгерім. Оқушыларымыз биік белестерді бағындыра берсін!
Алғыс арқалаған ұлағатты ұстаз
- Толығырақ
- Жарияланды 16.03.2021 18:00
Қазақстан Журналистер одағының мүшесі, Баянауыл ауданының Құрметті азаматы, Қазақстан Республикасы ағарту ісінің үздік қызметкері, Ы.Алтынсарин медалінің иегері ақын, ұлағатты, ардагер ұстазымыз Зекебай Солтанбаевты Павлодар облысы мен Баянауыл ауданына қарасты ұстаздар қауымы мерейлі жасымен құттықтады.
Баянауыл аудандық білім беру бөлімінің басшысы Нұрлан Мұхамадиярұлы Сеитов пен Баянауыл ауданындағы білім саласы қызметкерлерінің кәсіподақ ұйымының төрайымы Айнагүл Жанатқызы Нығметова Павлодар облысы Білім беру басқармасының басшысы Дінислам Болатханұлының құттықтау хаты мен жылы лебізін жеткізді.
Бойындағы асыл қасиеттерімен көпке үлгі бола білген ақсақал бүгінде ел арасында ерекше сый-құрметке ие. Тоқсан жастағы Зекебай Солтанбайұлы өңіріміздің бетке ұстар ақылшы абызына, ел тұтқасына айналды. З.Солтанбаевтың жүріп келе жатқан жолы жас ұрпаққа өнеге, тәлім-тәрбие. Зекебай Солтанбаев өзінің ұстаздық еңбек жолын өнермен, әдебиетпен ұштастыра білді.
Болашақ жастарымыз, Сізге отбасыңызға амандық, деніңізге саулық, ғұмырлы жас тілейді. Көненің көзі, асылдың қиығы, алтынның сынығы бола білдіңіз. Ел-жұртыңызға ақ батаңызды жаудыра беріңіз.
8 наурыз- Халықаралық әйелдер күніне орай ерекше білімді қажет ететін және қамқоршылықтағы оқушылардың әжелеріне, аналарына, апаларына,тәтелеріне аудан әкімі сыйлықтар үлестірді
- Толығырақ
- Жарияланды 04.03.2021 18:00
Баянауыл ауданының әкімі Қанат Сәрсенұлы Кәрімов «8 наурыз - Халықаралық әйелдер күні» мерекесіне орай ерекше білімді қажет ететін және қамқоршылықтағы оқушылардың әжелеріне, аналарына, апаларына, тәтелеріне сыйлықтар сыйлады.
Алғашқылардың бірі болып, №1 Майқайың жалпы орта білім беру мектебінің 10-сынып оқушысы Жәния Мәкеннің әжесі Орынтай Мәкенова, 6-сынып оқушысы Әлім Қабдуланың анасы Гауһар Асқарова, 8-сынып оқушысы Гүлмарал Бәкібайдың қамқоршы тәтесі Гауһар Айтимбетова және №2 Майқайың жалпы орта білім беру мектебінің 11-сынып оқушысы Екатерина Портье мен 9-сынып оқушысы Роман Портьенің қамқоршы анасы Галина Николаевна Яковина, 11-сынып оқушысы Айша Хамзаева, 8-сынып оқушысы Шаимжамал Хамзаева, 4-сынып оқушысы Жасұлан Хамзаевтің қамқоршы апасы Әйгерім Қожахметова сыйлықтарын алды. Жалпы аудан бойынша 67 оқушының аналары сыйлыққа ие болады.
Облыстық пән олимпиадасының жеңімпаздары
- Толығырақ
- Жарияланды 26.02.2021 18:00
Жалпы білім беретін жаратылыстану-математикалық және қоғамдық-гуманитарлық бағыттағы 16 пән бойынша оқушылардың жыл сайынғы облыстық олимпиадасы 2021 жылғы 22-26 ақпан аралығында онлайн режимде 9-11 сынып оқушыларының арасында өткізілді. Олимпиадаға 3 қала, 10 аудан және 13 мамандандырылған білім беру ұйымдарынан 26 команда құрамында 730 оқушы қатысты. Баянауыл ауданынан 25 оқушы бақ сынады.
Олимпиада қорытындысы бойынша Ш.Айманов атындағы жалпы орта білім беру мектеп-интернатының 9-сынып оқушысы Камила Қалиақпар қазақ тілі мен әдебиеті пәнінен III дәрежелі дипломмен марапатталды, жетекшісі Кенжегүл Балтажанқызы Әлжанова, №2 Майқайың жалпы орта білім беру мектебінің 9-сынып оқушысы Әлішер Баритов география пәнінен ІІІ дәрежелі дипломмен марапатталды, жетекшісі Жаннат Аманғазықызы Жұмагулова, №1 Майқайың жалпы орта білім беру мектебінің 9-сынып оқушысы Ернұр Бахитденов Қазақстан тарихы пәнінен ІІІ дәрежелі дипломмен марапатталды, жетекшісі Баян Рақымжанқызы Шөкина, Ш.Айманов атындағы жалпы орта білім беру мектеп-интернатының 9-сынып Аружан Арынова құқық негіздері пәнінен ІІІ дәрежелі дипломмен марапатталды, жетекшісі Ержан Бақтыбайқызы Рахимтаев. Білімнің биік шыңдарын бағындыра білген оқушыларымызға мың алғыс.
