Жаңалықтар
Республикалық олимпиаданың жеңімпазы
- Толығырақ
- Жарияланды 03.06.2021 16:00
2021 жылғы маусым айының 3-4 аралығында Алматы облысына қарасты Қапшағай қаласында 8-сынып оқушылары арасында өткен «IQanat» республикалық олимпиадасы өз мәресіне жетті.
Екі күнгі сынаққа республика бойынша 700 оқушы қатысты. Павлодар облысынан 40 оқушы, оның ішінде Баянауыл ауданынан 4 оқушы бақтарын сынады.
Нәтижесінде Шадыра жалпы орта білім беру мектебінің 8-сынып оқушысы Ерасыл Қасым Бейбітұлы математика пәні бойынша жүлделі ІІІ дәрежелі дипломмен марапатталды.
Оқушының жетекшісі математика пәнінің мұғалімі Айжан Тілеужанқызы Қарабаева.
2021 жылғы «Мың бала» Ұлттық олимпиадасы жеңімпаздарының есімі жарияланды.
- Толығырақ
- Жарияланды 03.06.2021 15:00
Баянауыл ауданынан «Мың бала» Ұлттық олимпиадасы жеңімпаздарының есімі белгілі болды. Олар – олимпиаданың II кезеңінде жоғары нәтиже көрсеткен ауыл мектептерінің 5 және 6 сынып оқушылары бар.
II кезең барлық санитарлық-эпидемиологиялық талаптарды сақтаумен, өңірлік тестілеу орталықтары базасында офлайн режимде өткізілді. Қатысушылар математикалық сауаттылық, қазақ тілінде оқитын оқушылар үшін қазақ тілі, орыс тілінде оқитын оқушылар үшін орыс тілі, ағылшын тілі мен жаратылыстану пәндері бойынша академиялық білімді бағалауға компьютерлік тестілеуден өтті.
Сонымен қатар, II кезеңнің барлық қатысушыларына Елбасы Академиясының «Вirge Oqý» онлайн мектебінде тегін оқуға мүмкіндік беріледі. Онлайн мектепте еліміздің жетекші ұстаздары математика, қазақ, орыс және ағылшын тілдерінен қосымша сабақтар өткізеді. Толық ақпаратты birgeoqy.kz сілтемесі арқылы білуге болады.
«Оқуға құштар мектеп» жобасы аясында виртуалды кітапхана көрмесі ұйымдастырылды
- Толығырақ
- Жарияланды 10.05.2021 15:00
Ұлы Отан соғысының жеңісіне 76 жыл толуына және Отан қорғаушылар күніне орай мектеп кітапханаларында виртуалды көрме ұйымдастырылды.
Көрменің тақырыптары: «Ерлік даңқы ешқашанда өшпейді», «Ер есімі-ел есінде» , « 9- мамыр Ұлы жеңіс мерекесі құтты болсын!», «Ұлы жеңіске -76 жыл».
Виртуалды көрмені барлық оқушылар, мұғалімдер, ата-аналар, қонақтар тамашалай алады. Көрмеге ақын-жазушылардың шығармалары, жауынгерлердің суреттері, портреттері, фотолары, нақыл сөздер мен қанатты сөздері, «Боздақтар» мен «Жеңімпаздар» кітаптары қойылды.
ЖЫР АЛЫБЫ ЖАМБЫЛ ЖАБАЕВТЫҢ 175-ЖЫЛДЫҒЫНА АРНАЛҒАН АҚЫНДЫҚ ДОДАНЫҢ ЖЕҢІМПАЗДАРЫ.
- Толығырақ
- Жарияланды 22.04.2021 16:00
Ұлы ақын Жамбыл Жабаевтың 175-жылдығына арналған мерейтойын мерекелеу мақсатында «Ертіс дарыны» өңірлік қосымша білім беру оқу-әдістемелік орталығының бастамасымен 2021 жылғы 22 сәуірде облыстық Жамбыл оқулары онлайн режимде өткізілді.
Байқау мақсаты: ақын шығармалары арқылы ел өткенін таныту, еліміздің отансүйер, білімді, рухы берік азаматтарын тәрбиелеу.
Доданың екі бағыты – «Жамбылдың жыр мұрасы» (ақын өлеңдерін мәнерлеп жатқа оқу) және «Жыр алыбы Жамбыл» (ақындар айтысы) «ZOOM» платформасында бейне конферения байланысы арқылы өткізілді. «Өлең-сөздің даңғылы, бар қазақтың Жамбылы» (оқушылардың өз поэзиялық туындыларын ұсыну) бағыты алдын ала жазылып, жіберілген бейне материалдар бойынша бағаланды. Баянауыл ауданынан 3 оқушы қатысты.
ОЛИМПИАДА ЖЕҢІМПАЗДАРЫ
- Толығырақ
- Жарияланды 21.04.2021 18:00
«Ертіс дарыны» өңірлік қосымша білім беру оқу-әдістемелік орталығы 2021 жылғы 19-20 сәуір аралығында «Zoom» платформасында 5 пән бойынша (қазақ тілі, орыс тілі, математика, жаратылыстану және биология) облыстық «Жас кемеңгер» мектебінің олимпиадасын онлайн режимінде өткізді. Олимпиаданың негізгі мақсаты – ауылдық жалпы білім беру мектеп оқушыларының арасынан ғылым негіздеріне ерекше бейімділігі бар дарынды балаларды айқындау, ауылдық мектеп оқушыларының жоғары деңгейлі күрделіленген тапсырмаларды өздігінен орындау және шығармашылық қабілеттерін дамыту мен іске асыруына жағдай жасау.
Облыстық олимпиадаға ауданымыздың атынан 11 оқушы қатысып, оның 8-і жүлделі орынға ие болды.
Өзара әрекеттестік және қолдау жұмыстарының жетістігі
- Толығырақ
- Жарияланды 20.04.2021 18:00
Баянауыл ауданындағы Зейтін Ақышев атындағы жалпы орта білім беру мектебі Екібастұз қаласындағы «Дарынды балаларға арналған облыстық көпсалалы көп тілді мектеп-интернаты» мемлекеттік мекемесімен бірлесе өзара әрекеттестік және қолдау жұмыстарын бірге атқарады.
9 сәуір күні «Дарынды балаларға арналған облыстық көпсалалы көп тілді мектеп-интернаты» базасында 6-сынып оқушылары үшін математика және логика пәндері бойынша олимпиада өтті. «Рухани жағыру» аясында олимпиаданың мақсаты олимпиадалық дайындық жүйесінде олардың әлеуетін одан әрі дамыта отырып, дарынды балаларды анықтау. Жалпы олимпиадаға Екібастұз және Баянауыл аудандық мектептерінен 109 оқушы қатысты.
Олимпиаданың қорытындысы бойынша Зейтін Ақышев атындағы жалпы орта білім беру мектебінің 6-сынып оқушысы Ерсайын Серіков пен Жылбек Ағаділов атындағы жалпы орта білім беру мектебінің 6-сынып оқушысы Әділ Әнуарбек жүлделі 2 орынмен марапатталды
